اردو ترجمہ

ہم سے اسماعیل نے بیان کیا، کہا مجھ سے مالک نے بیان کیا، سُمَی سے جو حضرت ابوبکر کے آزاد کردہ غلام ہیں، ابو صالح سے، حضرت ابو ہریرہ رضی اللہ تعالیٰ عنہ سے کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: اگر لوگوں کو معلوم ہو جائے کہ اذان دینے اور پہلی صف میں (کتنا اجر ہے) پھر اس میں قرعہ اندازی کے سوا کوئی چارہ نہ ہو تو وہ ضرور قرعہ ڈالیں، اور اگر انہیں معلوم ہو جائے کہ جلدی آنے میں کتنا ثواب ہے تو وہ اس کے لیے سبقت کریں، اور اگر انہیں معلوم ہو جائے کہ عشاء اور فجر کی نمازوں میں کتنا ثواب ہے تو وہ ان کے لیے ضرور آئیں چاہے گھسٹ کر ہی آنا پڑے۔