Urdu Translation

ہم سے خالد بن مخلد نے بیان کیا، ان سے سلیمان بن ہلال نے بیان کیا، کہا مجھ سے عمرہ نے بیان کیا، کہا میں نے حضرت حضرت اُمّ المؤمنین عائشہ صدیقہ رضی اللہ تعالیٰ عنہا سے سنا، انہوں نے ارشاد فرمایا کہ ہم مدینہ منورہ سے رسول اللہ صلی اللہ تعالیٰ علیہ وآلہ وسلم کے ساتھ تشریف لے گئے تو ذی قعدہ کے پانچ دن باقی رہ گئے تھے، ہمارا ارادہ صرف حج ہی کا تھا، پھر جب مکہ مکرمہ کے قریب تشریف لائے تو رسول اللہ صلی اللہ تعالیٰ علیہ وآلہ وسلم نے ارشاد فرمایا کہ جن کے ساتھ ہدی نہ ہو وہ بیت اللہ کا طواف فرما کے حلال ہو جائیں۔ حضرت اُمّ المؤمنین عائشہ رضی اللہ تعالیٰ عنہا نے ارشاد فرمایا کہ پھر ہمارے پاس بقر عید کے دن گائے کا گوشت لایا گیا تو میں نے عرض کیا کہ یہ کیا ہے؟ اس وقت معلوم ہوا کہ نبی کریم صلی اللہ تعالیٰ علیہ وآلہ وسلم نے اپنی ازواج مطہرات کی طرف سے قربانی فرمائی ہے۔ یحییٰ بن سعید نے فرمایا کہ میں نے اس حدیث کا قاسم بن محمد سے ذکر فرمایا تو انہوں نے فرمایا: عمرہ نے تم سے ٹھیک ٹھیک حدیث بیان فرما دی ہے۔