الترجمة الأردية

مجھ سے محمد بن بشار نے بیان کیا، ہم سے ابن ابی عدی نے بیان کیا، انہوں نے شعبہ سے، انہوں نے سلیمان اور منصور سے، انہوں نے ابو وائل سے، انہوں نے حضرت عبداللہ رضی اللہ تعالیٰ عنہ سے، انہوں نے نبی کریم صلی اللہ تعالیٰ علیہ وآلہ وسلم سے روایت کیا کہ آپ نے ارشاد فرمایا: "جس نے جھوٹی قسم کھائی تاکہ اس کے ذریعے کسی مسلمان شخص ـ یا فرمایا اپنے بھائی ـ کا مال ہتھیا لے، وہ اللہ سے اس حال میں ملے گا کہ اللہ اس پر غضبناک ہوگا۔" پھر اللہ تعالیٰ نے اس کی تصدیق میں یہ آیت نازل فرمائی: {إِنَّ الَّذِينَ يَشْتَرُونَ بِعَهْدِ اللَّهِ} (بے شک جو لوگ اللہ کے عہد کو بیچتے ہیں)۔ سلیمان نے اپنی روایت میں کہا: پھر اشعث بن قیس گزرے اور پوچھا: عبداللہ تمہیں کیا حدیث سنا رہے ہیں؟ لوگوں نے بتایا تو اشعث نے کہا: یہ آیت میرے اور میرے ایک ساتھی کے بارے میں نازل ہوئی تھی، ایک کنویں کے معاملے میں جو ہمارے درمیان تھا۔