الترجمة الأردية

ہم سے آدم بن ابی ایاس نے بیان کیا، انہوں نے کہا ہم سے شعبہ نے بیان کیا، انہوں نے کہا ہم سے بنو تیم اللہ کے آزاد کردہ غلام مہاجر ابوالحسن نے بیان کیا، انہوں نے کہا: میں نے زید بن وہب جہنی سے سنا، وہ حضرت ابوذر غفاری رضی اللہ تعالیٰ عنہ سے روایت کرتے ہیں، انہوں نے فرمایا: ہم ایک سفر میں نبی کریم صلی اللہ تعالیٰ علیہ وآلہ وسلم کے ساتھ تھے۔ مؤذن نے ظہر کی اذان دینا چاہی تو نبی کریم صلی اللہ تعالیٰ علیہ وآلہ وسلم نے ارشاد فرمایا: "ٹھنڈا ہونے دو۔" پھر کچھ دیر بعد مؤذن نے اذان دینا چاہی تو آپ صلی اللہ تعالیٰ علیہ وآلہ وسلم نے فرمایا: "ٹھنڈا ہونے دو۔" یہاں تک کہ ہم نے ٹیلوں کے سائے ڈھلتے دیکھ لیے۔ پھر نبی کریم صلی اللہ تعالیٰ علیہ وآلہ وسلم نے ارشاد فرمایا: "بے شک گرمی کی شدت جہنم کی بھاپ سے ہے، لہذا جب گرمی سخت ہو تو نماز (ظہر) ٹھنڈے وقت میں پڑھو۔" اور حضرت ابن عباس رضی اللہ تعالیٰ عنہما نے فرمایا: «تَتَفَيَّأُ» کے معنے «تَتَمَيَّلُ» (جھکنا، مائل ہونا) ہیں۔