اردو ترجمہ

ہم سے محمد بن سلام نے بیان کیا، کہا ہمیں عبدالوہاب نے خبر دی، کہا ہم سے خالد حذاء نے بیان کیا، حضرت عبدالرحمٰن بن ابی بکرہ سے روایت ہے، ان کے والد (حضرت ابو بکرہ رضی اللہ تعالیٰ عنہ) سے کہ ایک شخص نے نبی کریم صلی اللہ تعالیٰ علیہ وآلہ وسلم کے سامنے دوسرے شخص کی تعریف کی تو آپ صلی اللہ تعالیٰ علیہ وآلہ وسلم نے ارشاد فرمایا: تیرا بُرا ہو! تو نے اپنے ساتھی کی گردن کاٹ دی، تو نے اپنے ساتھی کی گردن کاٹ دی۔ آپ نے کئی بار یہ ارشاد فرمایا، پھر ارشاد فرمایا: جو تم میں سے کسی کو اپنے بھائی کی تعریف کرنی ہی ہو تو یوں کہے: میں فلاں کے بارے میں ایسا گمان رکھتا ہوں اور اللہ ہی اس کا حساب لینے والا ہے، اور میں اللہ کے مقابلے میں کسی کی تعریف نہیں کرتا، میرا گمان ہے کہ وہ ایسا ایسا ہے، اگر وہ اس کے بارے میں جانتا ہو۔