Urdu Translation

ہم سے محمد بن مثنی نے بیان کیا، کہا ہم سے یحییٰ بن سعید قطان نے بیان کیا، ان سے ہشام نے بیان کیا کہ مجھے میرے والد عروہ نے خبر دی اور انہیں حضرت اُمّ المؤمنین عائشہ رضی اللہ تعالیٰ عنہا نے نبی کریم صلی اللہ تعالیٰ علیہ وآلہ وسلم کے حوالے سے (دوسری سند امام بخاری رحمۃ اللہ تعالیٰ علیہ نے کہا) ہم سے عبداللہ بن مسلمہ نے بیان کیا، ان سے امام مالک رحمۃ اللہ تعالیٰ علیہ نے، ان سے ہشام بن عروہ نے، ان سے ان کے والد نے اور ان سے حضرت اُمّ المؤمنین عائشہ رضی اللہ تعالیٰ عنہا نے فرمایا کہ رسول اللہ صلی اللہ تعالیٰ علیہ وآلہ وسلم اپنی بعض ازواج مطہرات کا روزہ دار ہونے کے باوجود بوسہ لے لیا کرتے تھے۔ پھر حضرت اُمّ المؤمنین عائشہ رضی اللہ تعالیٰ عنہا مسکرا دیں۔