الترجمة الأردية

ہم سے عمر بن حفص بن غیاث نے بیان کیا، انہوں نے کہا ہم سے میرے والد نے بیان کیا، انہوں نے کہا ہم سے اعمش رحمۃ اللہ تعالیٰ علیہ نے بیان کیا، میں نے ابراہیم سے سنا، انہوں نے کہا: میں نے علقمہ سے سنا کہ وہ فرماتے تھے: حضرت عبداللہ (بن مسعود) رضی اللہ تعالیٰ عنہ نے فرمایا: اہلِ کتاب میں سے ایک شخص نبی کریم صلی اللہ تعالیٰ علیہ وآلہ وسلم کی خدمت میں حاضر ہوا اور عرض کیا: اے ابوالقاسم! بے شک اللہ آسمانوں کو ایک انگلی پر تھامے رکھے گا اور زمینوں کو ایک انگلی پر، اور درختوں اور مٹی کو ایک انگلی پر، اور تمام مخلوقات کو ایک انگلی پر، پھر فرمائے گا: میں ہی بادشاہ ہوں، میں ہی بادشاہ ہوں۔ تو میں نے دیکھا کہ نبی کریم صلی اللہ تعالیٰ علیہ وآلہ وسلم اس قدر تبسم فرمانے لگے کہ آپ کے دندانِ مبارک نظر آنے لگے، پھر آپ نے یہ آیت تلاوت فرمائی: «وَمَا قَدَرُوا اللَّهَ حَقَّ قَدْرِهِ» (اور انہوں نے اللہ کی قدر نہ پہچانی جیسی اس کی قدر پہچاننی چاہیے تھی)۔