الترجمة الأردية

ہم سے محمد بن صباح نے بیان کیا، کہا ہم سے اسماعیل بن زکریاء نے بیان کیا، کہا ہم سے برید بن عبداللہ نے بیان کیا، ابو بردہ سے، حضرت ابو موسیٰ رضی اللہ تعالیٰ عنہ سے کہ انہوں نے فرمایا: نبی کریم صلی اللہ تعالیٰ علیہ وآلہ وسلم نے ایک شخص کو سنا جو دوسرے شخص کی تعریف کر رہا تھا اور اس کی مدح میں مبالغہ کر رہا تھا تو آپ صلی اللہ تعالیٰ علیہ وآلہ وسلم نے ارشاد فرمایا: تم نے اس شخص کو ہلاک کر دیا، یا فرمایا: تم نے اس شخص کی کمر توڑ دی۔