اردو ترجمہ

حضرت اسامہ بن زید رضی اللہ تعالیٰ عنہما فرماتے ہیں کہ نبی کریم صلی اللہ تعالیٰ علیہ وآلہ وسلم کی ایک صاحبزادی نے آپ کو پیغام بھیجا کہ میرا بچہ وفات کے قریب ہے، تشریف لائیے۔ آپ صلی اللہ تعالیٰ علیہ وآلہ وسلم نے قاصد سے فرمایا: 'واپس جاؤ اور انہیں بتاؤ کہ جو اللہ نے لیا وہ اسی کا تھا اور جو دیا وہ بھی اسی کا ہے، اور ہر چیز کا اس کے نزدیک ایک وقت مقرر ہے، پس صبر کرے اور ثواب کی امید رکھے۔' پھر انہوں نے قسم دے کر بلایا تو آپ صلی اللہ تعالیٰ علیہ وآلہ وسلم تشریف لے گئے اور بچے کو اپنی گود میں لیا جبکہ اس کی سانسیں اکھڑ رہی تھیں، آپ صلی اللہ تعالیٰ علیہ وآلہ وسلم کی آنکھوں سے آنسو جاری ہو گئے۔ حضرت سعد رضی اللہ تعالیٰ عنہ نے عرض کیا: یا رسول اللہ! یہ کیا ہے؟ ارشاد فرمایا: 'یہ رحمت ہے جو اللہ نے اپنے بندوں کے دلوں میں رکھی ہے، اور اللہ تعالیٰ اپنے بندوں میں سے صرف رحم دل پر رحم فرماتا ہے۔'