اردو ترجمہ

سیدنا عوف بن مالک رضی اللہ عنہ سے روایت ہے کہ وہ نبی کریمصلی اللہ علیہ وسلمکے ہمراہ ایک غزوے میں تھے، عوف کہتے ہیں کہ میں نے اپنے پیچھے چکی چلنے جیسی گونج سنی تو دیکھا کہ نبی کریمصلی اللہ علیہ وسلمتشریف لا رہے ہیں۔ میں نے عرض کیا: یا رسول اللہ! جب آپ دشمن کی سرزمین میں ہوں تو آپ پر پہرہ ہونا چاہیے۔ رسول اللہصلی اللہ علیہ وسلمنے فرمایا:”میرے رب کی طرف سے ایک آنے والا میرے پاس آیا اور مجھے اس بات میں اختیار دیا کہ یا تو میری آدھی امت جنت میں داخل کر دی جائے یا مجھے شفاعت کا حق ملے، تو میں نے شفاعت کو منتخب کیا۔“سیدنا معاذ بن جبل رضی اللہ عنہ نے عرض کیا: یا رسول اللہ! آپ میری (ایمان کی) پختگی کو جانتے ہیں، مجھے ان شفاعت پانے والوں میں شامل فرما دیں، آپصلی اللہ علیہ وسلمنے فرمایا:”تم ان میں سے ہو۔“عوف بن مالک رضی اللہ عنہ نے عرض کیا: یا رسول اللہ! آپ جانتے ہیں کہ ہم نے اللہ اور اس کے رسول کی خاطر اپنے گھر بار اور مال و دولت کو چھوڑا ہے، ہمیں بھی ان میں شامل فرما دیں، آپصلی اللہ علیہ وسلمنے فرمایا:”تم بھی ان میں سے ہو۔“پھر ہم باقی لوگوں کے پاس پہنچے تو وہ بیدار ہو گئے، نبی کریمصلی اللہ علیہ وسلمنے فرمایا:”بیٹھ جاؤ“تو وہ سب بیٹھ گئے گویا ان میں سے کوئی اٹھا ہی نہ تھا۔ آپصلی اللہ علیہ وسلمنے فرمایا:”میرے رب کی طرف سے ایک آنے والا میرے پاس آیا اور مجھے آدھی امت کی جنت یا شفاعت کے درمیان اختیار دیا، تو میں نے شفاعت کو چن لیا۔“صحابہ نے عرض کیا: یا رسول اللہ! ہمیں ان میں شامل فرما دیں، آپصلی اللہ علیہ وسلمنے فرمایا:”یہ شفاعت ہر اس شخص کے لیے ہے جو اس حال میں فوت ہو کہ اللہ کے ساتھ کسی کو شریک نہ ٹھہراتا ہو۔“[المستدرك على الصحيحين/كتاب الإيمان/حدیث: 226]