اردو ترجمہ

یزید بن زریع نے (سلیمان) تیمی سے، انہوں نے ابو حضرت عثمان کے واسطے سے حضرت قبیصہ بن مخارق اور حضرت زہیر بن عمرو رضی اللہ تعالیٰ عنہما سے حدیث بیان کی، دونوں نے کہا کہ جب آیت: ''اور اپنے قریبی رشتہ داروں کو ڈرائیے'' اتری تو اللہ کے نبی صلی اللہ تعالیٰ علیہ وآلہ وسلم ایک پہاڑی چٹان کی طرف تشریف لے گئے اور اس کے سب سے اونچے حصے پر چڑھے، پھر پکار کر فرمایا: ''اے عبد مناف کی اولاد! میں ڈرانے والا ہوں، میری اور تمہاری مثال اس آدمی کی طرح ہے جس نے دشمن کو دیکھا اور اپنی قوم کی حفاظت کے لیے دوڑا، لیکن اس کو خوف ہوا کہ دشمن اس سے پہلے پہنچ جائیں، تو وہ چلایا: وائے اس کی صبح (کی تباہی)! وائے اس کی صبح!''