اردو ترجمہ

وکیع نے کہا: ہمیں اعمش نے زیاد بن حصین ابو جہمہ سے حدیث سنائی، انہوں نے ابو عالیہ رحمۃ اللہ تعالیٰ علیہ سے اور انہوں نے حضرت ابن عباس رضی اللہ تعالیٰ عنہما سے روایت کی، انہوں نے آیت: ﴿مَا كَذَبَ الْفُؤَادُ مَا رَأَى﴾ ''جھوٹ نہ دیکھا دل نے جو دیکھا'' اور ﴿وَلَقَدْ رَآهُ نَزْلَةً أُخْرَى﴾ ''اور آپ نے اسے ایک بار اترتے ہوئے دیکھا'' (کے بارے میں) کہا: رسول اللہ صلی اللہ تعالیٰ علیہ وآلہ وسلم نے اسے (رب تعالیٰ کو) اپنے دل سے دو بار دیکھا۔