اردو ترجمہ

حضرت شداد بن اوس رضی اللہ تعالیٰ عنہ فرماتے ہیں کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: سیدالاستغفار یہ ہے کہ تو کہے: اَللّٰہُمَّ اَنْتَ رَبِّیْ لَا اِلٰہَ اِلَّا اَنْتَ خَلَقْتَنِیْ وَاَنَا عَبْدُکَ وَاَنَا عَلٰی عَہْدِکَ وَوَعْدِکَ مَا اسْتَطَعْتُ اَعُوْذُ بِکَ مِنْ شَرِّ مَا صَنَعْتُ اَبُوْءُ لَکَ بِنِعْمَتِکَ عَلَیَّ وَاَبُوْءُ بِذَنْبِیْ فَاغْفِرْ لِیْ فَاِنَّہٗ لَا یَغْفِرُ الذُّنُوْبَ اِلَّا اَنْتَ (اے اللہ! تو میرا رب ہے، تیرے سوا کوئی معبود نہیں، تو نے مجھے پیدا کیا اور میں تیرا بندہ ہوں، میں تیرے عہد و وعدے پر ہوں جتنا مجھ سے ہو سکے۔ میں اپنے کیے ہوئے کے شر سے تیری پناہ چاہتا ہوں۔ مجھ پر تیری نعمتوں کا اعتراف کرتا ہوں اور اپنے گناہوں کا اعتراف کرتا ہوں، مجھے بخش دے کیونکہ تیرے سوا کوئی گناہ بخشنے والا نہیں)۔ اور فرمایا: جس نے یہ دعا دن میں یقین کے ساتھ پڑھی اور اسی دن شام سے پہلے مر گیا تو وہ اہلِ جنت میں سے ہے۔ اور جس نے رات کو یقین کے ساتھ پڑھی اور صبح سے پہلے مر گیا تو وہ اہلِ جنت میں سے ہے۔ (بخاری)