اردو ترجمہ

حضرت ابو ہریرہ رضی اللہ تعالیٰ عنہ فرماتے ہیں کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: اللہ تعالیٰ فرماتا ہے: جس نے میرے کسی ولی سے دشمنی رکھی میں نے اسے جنگ کا اعلان کر دیا۔ میرا بندہ کسی چیز سے میرا اتنا قرب حاصل نہیں کرتا جتنا ان فرائض سے جو میں نے اس پر فرض کیے ہیں۔ میرا بندہ نوافل سے مسلسل میرا قرب حاصل کرتا رہتا ہے یہاں تک کہ میں اسے محبوب رکھنے لگتا ہوں۔ جب میں اسے محبوب رکھتا ہوں تو میں اس کا کان ہو جاتا ہوں جس سے وہ سنتا ہے، اس کی آنکھ ہو جاتا ہوں جس سے وہ دیکھتا ہے، اس کا ہاتھ ہو جاتا ہوں جس سے وہ پکڑتا ہے اور اس کا پاؤں ہو جاتا ہوں جس سے وہ چلتا ہے۔ اگر وہ مجھ سے مانگے تو میں ضرور عطا کروں گا اور اگر وہ میری پناہ مانگے تو میں ضرور پناہ دوں گا۔ میں کسی کام میں اتنا تردد نہیں کرتا جتنا مؤمن کی جان لینے میں۔ وہ موت ناپسند کرتا ہے اور مجھے اسے تکلیف دینا ناپسند ہے لیکن اس سے بچ نہیں سکتا۔ (بخاری)