اردو ترجمہ

مجھ سے عمر بن حفص نے بیان کیا، کہا مجھ سے میرے والد نے بیان کیا، کہا ہم سے اعمش نے بیان کیا، کہا مجھ سے ابراہیم تیمی نے بیان کیا، ان سے حارث بن سوید نے اور حضرت عبداللہ رضی اللہ تعالیٰ عنہ نے فرمایا کہ نبی کریم صلی اللہ تعالیٰ علیہ وآلہ وسلم نے ارشاد فرمایا: تم میں سے کون ہے جسے اپنے وارث کا مال اپنے مال سے زیادہ عزیز ہو؟ صحابہ نے عرض کیا: یا رسول اللہ! ہم میں سے کوئی نہیں جسے اپنا مال عزیز نہ ہو۔ ارشاد فرمایا: پس اس کا (اصل) مال وہ ہے جو اس نے آگے بھیجا اور اس کے وارث کا مال وہ ہے جو اس نے پیچھے چھوڑا۔