اردو ترجمہ

ہم سے حضرت ابونعیم فضل بن دکین نے بیان کیا، انہوں نے کہا ہم سے عبدالواحد بن ایمن نے بیان کیا، کہا مجھ سے میرے والد ایمن نے بیان کیا کہ انہوں نے حضرت اُمّ المؤمنین عائشہ صدیقہ رضی اللہ تعالیٰ عنہا سے سنا، آپ نے فرمایا: اُس ذات کی قسم جس نے آپ صلی اللہ تعالیٰ علیہ وآلہ وسلم کو اپنے پاس بلا لیا! آپ صلی اللہ تعالیٰ علیہ وآلہ وسلم نے عصر کے بعد کی دو رکعتیں کبھی ترک نہیں فرمائیں یہاں تک کہ اللہ تعالیٰ سے جا ملے۔ اور آپ صلی اللہ تعالیٰ علیہ وآلہ وسلم اللہ تعالیٰ سے اُس وقت تک نہ ملے جب تک نماز میں کھڑا ہونا آپ کے لیے دشوار نہ ہو گیا اور آپ صلی اللہ تعالیٰ علیہ وآلہ وسلم بیشتر نمازیں بیٹھ کر ادا فرمانے لگے تھے — یعنی عصر کے بعد کی دو رکعتیں۔ اگرچہ نبی کریم صلی اللہ تعالیٰ علیہ وآلہ وسلم انہیں پابندی سے ادا فرماتے تھے مگر مسجد میں نہیں پڑھتے تھے اس خوف سے کہ کہیں اُمت پر بوجھ نہ ہو جائے، اور آپ صلی اللہ تعالیٰ علیہ وآلہ وسلم کو اپنی اُمت کے لیے آسانی پسند تھی۔