اردو ترجمہ

ہم سے عمر بن حفص نے بیان کیا، کہا ہم سے ہمارے والد نے بیان کیا، کہا ہم سے اعمش نے بیان کیا، کہا ہم سے زید بن وہب نے بیان کیا، کہا ہم سے حضرت عبداللہ بن مسعود رضی اللہ تعالیٰ عنہ نے بیان کیا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا اور آپ سچے ہیں اور سچائی سے نوازے گئے ہیں کہ "تم میں سے ہر ایک کی تخلیق اس کی ماں کے پیٹ میں چالیس دن تک نطفے کی صورت میں جمع کی جاتی ہے، پھر اتنی ہی مدت تک وہ جمے ہوئے خون کی شکل میں رہتا ہے، پھر اتنی ہی مدت تک گوشت کے لوتھڑے کی صورت میں۔ پھر اللہ تعالیٰ ایک فرشتہ بھیجتا ہے جسے چار باتوں کا حکم دیا جاتا ہے: اس کے اعمال، مدتِ حیات، رزق اور یہ کہ وہ نیک بخت ہو گا یا بد بخت۔ پھر اس میں روح پھونکی جاتی ہے۔ پس ایک شخص دوزخیوں کے سے عمل کرتا رہتا ہے یہاں تک کہ اس کے اور دوزخ کے درمیان صرف ایک ہاتھ کا فاصلہ رہ جاتا ہے تو تقدیر کی تحریر غالب آ جاتی ہے اور وہ جنتیوں کے عمل شروع کر دیتا ہے اور جنت میں داخل ہو جاتا ہے۔ اور ایک شخص جنتیوں کے سے اعمال کرتا رہتا ہے یہاں تک کہ اس کے اور جنت کے درمیان صرف ایک ہاتھ کا فاصلہ رہ جاتا ہے تو تقدیر کی تحریر غالب آ جاتی ہے اور وہ دوزخیوں کے عمل شروع کر دیتا ہے اور دوزخ میں داخل ہو جاتا ہے۔"