اردو ترجمہ

ہم سے مسدد نے بیان کیا، کہا کہ ہم سے یحییٰ نے بیان کیا، ان سے شعبہ نے (دوسری سند) اور امام بخاری رحمۃ اللہ تعالیٰ علیہ نے فرمایا کہ مجھ سے محمد نے بیان کیا، کہا کہ ہم سے غندر نے بیان کیا، کہا کہ ہم سے شعبہ نے بیان کیا، ان سے قتادہ نے، ان سے حضرت ابوایوب نے اور ان سے حضرت اُمّ المؤمنین جویریہ بنت حارث رضی اللہ تعالیٰ عنہا نے فرمایا کہ نبی کریم صلی اللہ تعالیٰ علیہ وآلہ وسلم ان کے یہاں جمعہ کے دن تشریف لے گئے، (اتفاق سے) وہ روزے سے تھیں۔ نبی کریم صلی اللہ تعالیٰ علیہ وآلہ وسلم نے دریافت فرمایا: کیا کل بھی تم نے روزہ رکھا تھا؟ انہوں نے عرض کیا: نہیں۔ پھر آپ صلی اللہ تعالیٰ علیہ وآلہ وسلم نے دریافت فرمایا: کیا آئندہ کل روزہ رکھنے کا ارادہ ہے؟ عرض کیا: نہیں۔ آپ صلی اللہ تعالیٰ علیہ وآلہ وسلم نے ارشاد فرمایا: پھر روزہ توڑ دو۔ حماد بن جعد نے بیان کیا کہ انہوں نے قتادہ سے سنا، ان سے حضرت ابوایوب نے بیان کیا اور ان سے حضرت اُمّ المؤمنین جویریہ رضی اللہ تعالیٰ عنہا نے فرمایا کہ نبی کریم صلی اللہ تعالیٰ علیہ وآلہ وسلم نے حکم فرمایا اور انہوں نے روزہ توڑ دیا۔