اردو ترجمہ

ہم سے علی بن عبداللہ المدینی نے بیان کیا، کہا کہ ہم سے سفیان بن عیینہ نے بیان کیا، کہا کہ ہم سے موسیٰ بن عقبہ نے بیان کیا، کہا کہ میں نے سالم بن عبداللہ سے سنا، انہوں نے کہا کہ میں نے حضرت ابن عمر رضی اللہ تعالیٰ عنہما سے سنا۔ (دوسری سند) اور ہم سے عبداللہ بن مسلمہ قعنبی نے بیان کیا، ان سے امام مالک رحمۃ اللہ تعالیٰ علیہ نے، ان سے موسیٰ بن عقبہ نے، ان سے سالم بن عبداللہ نے بیان کیا کہ انہوں نے اپنے والد (حضرت عبداللہ بن عمر رضی اللہ تعالیٰ عنہما) سے سنا، وہ فرماتے تھے کہ رسول اللہ صلی اللہ تعالیٰ علیہ وآلہ وسلم نے مسجدِ ذوالحلیفہ کے پاس ہی پہنچ کر احرام باندھا تھا۔