اردو ترجمہ

ہم سے مسلم نے بیان کیا، کہا ہم سے شعبہ نے بیان کیا، کہا ہم سے عبدالرحمٰن بن اصبہانی نے بیان کیا، ان سے ذکوان نے اور ان سے حضرت ابو سعید خدری رضی اللہ تعالیٰ عنہ نے بیان کیا کہ خواتین نے نبی کریم صلی اللہ تعالیٰ علیہ وآلہ وسلم سے عرض کیا: ہمارے لیے بھی ایک دن مقرر فرما دیجیے۔ آپ صلی اللہ تعالیٰ علیہ وآلہ وسلم نے انہیں وعظ و نصیحت فرمائی اور ارشاد فرمایا: جس عورت کے تین بچے فوت ہو جائیں، وہ بچے اس کے لیے آگ سے پردہ بن جائیں گے۔ ایک خاتون نے عرض کیا: اور اگر دو (فوت ہو جائیں)؟ آپ صلی اللہ تعالیٰ علیہ وآلہ وسلم نے ارشاد فرمایا: دو بھی (آگ سے حجاب بنیں گے)۔ اور شریک نے ابن اصبہانی سے روایت کیا ہے، انہوں نے فرمایا مجھ سے ابو صالح نے بیان کیا، ان سے حضرت ابو سعید اور حضرت ابوہریرہ رضی اللہ تعالیٰ عنہما نے نبی کریم صلی اللہ تعالیٰ علیہ وآلہ وسلم سے روایت کیا۔ حضرت ابوہریرہ رضی اللہ تعالیٰ عنہ نے فرمایا: (شرط یہ ہے کہ بچے) بلوغت کو نہ پہنچے ہوں۔