اردو ترجمہ

ہم سے آدم بن ابی ایاس نے بیان کیا، کہا ہم سے شعبہ نے بیان کیا، ان سے ازرق بن قیس نے فرمایا کہ ہم اہواز میں (جو بصرہ اور ایران کے درمیان ہے) خوارج (حروریہ) سے جنگ کر رہے تھے۔ ایک مرتبہ میں نہر کے کنارے بیٹھا تھا، اتنے میں ایک شخص نماز پڑھنے لگے اور ان کے جانور کی لگام ان کے ہاتھ میں تھی۔ جانور کھینچنے لگا اور وہ اس کے پیچھے ہو لیے۔ شعبہ نے بتایا کہ وہ حضرت ابو برزہ اسلمی رضی اللہ تعالیٰ عنہ تھے۔ خوارج میں سے ایک شخص کہنے لگا: اے اللہ! اس بوڑھے کا بُرا کر۔ جب وہ بزرگ نماز سے فارغ ہوئے تو فرمایا: میں نے تمہاری بات سن لی ہے۔ میں نے رسول اللہ صلی اللہ تعالیٰ علیہ وآلہ وسلم کے ساتھ چھ یا سات یا آٹھ غزوات میں شرکت کی ہے اور میں نے آپ صلی اللہ تعالیٰ علیہ وآلہ وسلم کی آسانی اور نرمی دیکھی ہے۔ مجھے یہ زیادہ پسند ہے کہ اپنے جانور کو ساتھ لے کر لوٹوں بجائے اس کے کہ اسے چھوڑ دوں اور وہ اپنے ٹھکانے کی طرف بھاگ جائے اور مجھے تکلیف ہو۔