Urdu Translation

سیدنا ابوہریرہ رضی اللہ عنہ نے بیان کیا کہ ایک صاحب ماعز بن مالک اسلمی رسول اللہصلی اللہ علیہ وسلمکی خدمت میں آئے، اس وقت آنسیدناصلی اللہ علیہ وسلممسجد میں تھے، انہوں نے آپ کو آواز دی اور کہا: یا رسول اللہ! میں نے زنا کر لیا ہے۔ آنسیدناصلی اللہ علیہ وسلمنے ان کی طرف سے منہ پھیر لیا۔ انہوں نے یہ بات چار دفعہ دہرائی، جب چار دفعہ انہوں نے اس گناہ کی اپنے اوپر شہادت دی تو آنسیدناصلی اللہ علیہ وسلمنے انہیں بلایا اور دریافت فرمایا:”کیا تم دیوانے ہو؟“انہوں نے کہا: نہیں۔ آپ نے دریافت فرمایا:”پھر کیا تم شادی شدہ ہو؟“انہوں نے کہا: ہاں۔ اس پر آنسیدناصلی اللہ علیہ وسلمنے فرمایا:”انہیں لے جاؤ اور رجم کر دو۔“سیدنا جابر بن عبداللہ رضی اللہ عنہما نے کہا کہ رجم کرنے والوں میں میں بھی تھا، ہم نے انہیں آبادی سے باہر عید گاہ کے پاس رجم کیا تھا جب ان پر پتھر پڑے تو وہ بھاگ پڑے لیکن ہم نے انہیں حرہ کے پاس پکڑا اور رجم کر دیا۔[اللؤلؤ والمرجان/كتاب الحدود/حدیث: 1102]