Urdu Translation

سیدنا ابوذر رضی اللہ عنہ سے روایت ہے کہ بے شک رسول اللہصلی اللہ علیہ وسلمنے ان کے لیے فرمایا:”اے ابوذر! تو کیسے کرے گا جب لوگ بھوکے ہوں گے۔ یہاں تک کہ تو طاقت نہ رکھے گا کہ اپنے بستر سے اپنی مسجد کی طرف اور اپنی مسجد سے اپنے بستر کی طرف کھڑا ہو سکے؟“میں نے کہا کہ اللہ اور اس کا رسولصلی اللہ علیہ وسلمہی زیادہ جانتے ہیں۔ آپصلی اللہ علیہ وسلمنے فرمایا:”پاک دامنی اختیار کرنا۔“پھر آپصلی اللہ علیہ وسلمنے فرمایا:”تو کیسے کرے گا، جب لوگ مر جائیں گے، یہاں تک کہ گھر نوکر کے ساتھ ہوگا؟“میں نے کہا کہ اللہ اور اس کا رسولصلی اللہ علیہ وسلمہی زیادہ جانتے ہیں۔ آپصلی اللہ علیہ وسلمنے فرمایا:”صبر کرنا،“پھر آپصلی اللہ علیہ وسلمنے فرمایا:”تو کیسے عمل کرے گا، جب لوگ باہم لڑائی کریں گے حتیٰ کہ بھیڑئیے کا بل پہچانا جائے گا؟“میں نے کہا کہ اللہ اور اس کا رسولصلی اللہ علیہ وسلمہی زیادہ جانتے ہیں۔ آپصلی اللہ علیہ وسلمنے فرمایا:”تو آنا جس سے تو ہے۔“میں نے کہا کہ آپصلی اللہ علیہ وسلمکا کیا خیال ہے کہ اگر مجھ پر آیا گیا ہو تو؟ آپصلی اللہ علیہ وسلمنے فرمایا:”اپنے گھر میں داخل ہو جانا۔“میں نے کہا کہ آپصلی اللہ علیہ وسلمکا خیال ہے کہ اگر مجھ پر آیا گیا ہو؟ آپصلی اللہ علیہ وسلمنے فرمایا:”اگر تو ڈرے کہ تلوار کی چمک تجھ پر غالب آجائے گی تو اپنی چادر کا کنارہ اپنے چہرے پر ڈال لینا، وہ تیرے گناہ اور اپنے گناہ کے ساتھ لوٹے گا۔“میں نے کہا کہ کیا میں اسلحہ نہ اٹھاؤں؟ آپصلی اللہ علیہ وسلمنے فرمایا:”تب تو اس کا شریک بن جائے گا۔“[مسند عبدالله بن مبارك/حدیث: 260]