Urdu Translation

حضرت سعد بن ابی وقاص رضی اللہ تعالیٰ عنہ فرماتے ہیں کہ حضرت معاویہ رضی اللہ تعالیٰ عنہ اپنے ایک سفر حج میں آئے تو سعد رضی اللہ تعالیٰ عنہ ان کے پاس ملنے آئے، لوگوں نے علی المرتضیٰ کرّم اللہ تعالیٰ وجہہ الکریم کا تذکرہ کیا تو حضرت معاویہ رضی اللہ تعالیٰ عنہ نے علی المرتضیٰ کرّم اللہ تعالیٰ وجہہ الکریم کو نامناسب الفاظ سے یاد کیا، اس پر سعد رضی اللہ تعالیٰ عنہ ناراض ہو گئے اور بولے: آپ ایسا اس شخص کی شان میں کہتے ہیں جس کے بارے میں میں نے رسول اللہ صلی اللہ تعالیٰ علیہ وآلہ وسلم کو فرماتے سنا ہے: جس کا مولیٰ میں ہوں، علی اس کے مولیٰ ہیں ، اور آپ صلی اللہ تعالیٰ علیہ وآلہ وسلم سے میں نے یہ بھی سنا: تم ( یعنی علی ) میرے لیے ویسے ہی ہو جیسے ہارون موسیٰ کے لیے، مگر یہ کہ میرے بعد کوئی نبی نہیں ، نیز میں نے آپ صلی اللہ تعالیٰ علیہ وآلہ وسلم کو فرماتے سنا: آج میں لڑائی کا جھنڈا ایسے شخص کو دوں گا جو اللہ اور اس کے رسول سے محبت کرتا ہے ۔