Urdu Translation

ہم سے یحییٰ بن بکیر نے بیان کیا، کہا ہم سے لیث بن سعد نے بیان کیا، ان سے عقیل نے، ان سے ابن شہاب نے، ان سے سالم بن عبداللہ نے فرمایا کہ حضرت عبداللہ بن عمر رضی اللہ تعالیٰ عنہما نے فرمایا کہ رسول اللہ صلی اللہ تعالیٰ علیہ وآلہ وسلم نے حجۃ الوداع میں تمتع فرمایا یعنی عمرہ فرما کر پھر حج فرمایا اور آپ صلی اللہ تعالیٰ علیہ وآلہ وسلم ذی الحلیفہ سے اپنے ساتھ قربانی لے تشریف لے گئے۔ نبی کریم صلی اللہ تعالیٰ علیہ وآلہ وسلم نے پہلے عمرہ کے لیے احرام باندھا، پھر حج کے لیے لبیک پکارا۔ لوگوں نے بھی نبی کریم صلی اللہ تعالیٰ علیہ وآلہ وسلم کے ساتھ تمتع کیا یعنی عمرہ فرما کر حج فرمایا، لیکن بہت سے لوگ اپنے ساتھ قربانی کا جانور لے تشریف لے گئے تھے اور بہت سے نہیں لے گئے تھے۔ جب نبی کریم صلی اللہ تعالیٰ علیہ وآلہ وسلم مکہ مکرمہ تشریف لائے تو لوگوں سے ارشاد فرمایا کہ جو شخص قربانی ساتھ لایا ہو اس کے لیے حج پورا ہونے تک کوئی بھی ایسی چیز حلال نہیں ہو سکتی جسے اس نے اپنے اوپر (احرام کی وجہ سے) حرام کر لیا ہے لیکن جن کے ساتھ قربانی نہیں ہے تو وہ بیت اللہ کا طواف فرما لیں اور صفا اور مروہ کی سعی فرما کر بال ترشوا لیں اور حلال ہو جائیں، پھر حج کے لیے (از سر نو آٹھویں ذی الحجہ کو احرام باندھیں) ایسا شخص اگر قربانی نہ پائے تو تین دن کے روزے حج ہی کے دنوں میں اور سات دن کے روزے گھر واپس آ کر رکھے۔ جب نبی کریم صلی اللہ تعالیٰ علیہ وآلہ وسلم مکہ مکرمہ تشریف لائے تو سب سے پہلے آپ صلی اللہ تعالیٰ علیہ وآلہ وسلم نے طواف فرمایا پھر حجر اسود کو بوسہ دیا، تین چکروں میں آپ صلی اللہ تعالیٰ علیہ وآلہ وسلم نے رمل فرمایا اور باقی چار میں معمولی رفتار سے تشریف لے گئے، پھر بیت اللہ کا طواف پورا فرما کر مقام ابراہیم علیہ السلام کے پاس دو رکعت نماز ادا فرمائی، سلام پھیر کر آپ صلی اللہ تعالیٰ علیہ وآلہ وسلم صفا پہاڑی کی طرف تشریف لے گئے اور صفا اور مروہ کی سعی بھی سات چکروں میں پوری فرمائی۔ جن چیزوں کو (احرام کی وجہ سے اپنے پر) حرام فرما لیا تھا ان سے اس وقت تک آپ صلی اللہ تعالیٰ علیہ وآلہ وسلم حلال نہیں ہوئے جب تک حج بھی پورا نہ فرما لیا اور یوم النحر (دسویں ذی الحجہ) میں قربانی کا جانور بھی ذبح نہ فرما لیا۔ پھر آپ صلی اللہ تعالیٰ علیہ وآلہ وسلم (مکہ واپس) تشریف لائے اور بیت اللہ کا جب طواف افاضہ فرما لیا تو ہر وہ چیز آپ صلی اللہ تعالیٰ علیہ وآلہ وسلم کے لیے حلال ہو گئی جو احرام کی وجہ سے حرام تھی۔ جو لوگ اپنے ساتھ ہدی لے کر تشریف لے گئے تھے انہوں نے بھی اسی طرح کیا جیسے رسول اللہ صلی اللہ تعالیٰ علیہ وآلہ وسلم نے فرمایا تھا۔