الترجمة الأردية

سیدہ عائشہ رضی اللہ عنہا نے بیان کیا کہ اُمّ المومنین سیدنا سودہ رضی اللہ عنہا پردہ کا حکم نازل ہونے کے بعد قضاء حاجت کے لیے نکلیں، وہ بہت بھاری بھرکم تھیں، جو انہیں جانتا تھا اس سے وہ پوشیدہ نہیں رہ سکتی تھیں۔ راستے میں عمر بن خطاب رضی اللہ عنہ نے انہیں دیکھ لیا اور کہا کہ اے سودہ! ہاں، خدا کی قسم! آپ ہم سے اپنے آپ کو نہیں چھپا سکتیں، دیکھیے تو آپ کس طرح باہر نکلی ہیں۔ بیان کیا کہ سیدنا سودہ رضی اللہ عنہا الٹے پاؤں وہاں سے واپس آ گئیں، رسول اللہصلی اللہ علیہ وسلماس وقت میرے حجرہ میں تشریف رکھتے تھے اور رات کا کھانا کھا رہے تھے، آنسیدناصلی اللہ علیہ وسلمکے ہاتھ میں اس وقت گوشت کی ایک ہڈی تھی۔ سیدنا سودہ رضی اللہ عنہا نے داخل ہوتے ہی کہا، یا رسول اللہ! میں قضاء حاجت کے لیے نکلی تھی تو عمر رضی اللہ عنہ نے مجھ سے یہ باتیں کیں، بیان کیا کہ آپصلی اللہ علیہ وسلمپر وحی کا نزول شروع ہو گیا اور تھوڑی دیر بعد یہ کیفیت ختم ہوئی، ہڈی اب بھی آپ کے ہاتھ میں تھی، آپصلی اللہ علیہ وسلمنے اسے رکھا نہیں تھا۔ پھر آنسیدناصلی اللہ علیہ وسلمنے فرمایا:”تمہیں (اللہ کی طرف سے) قضاء حاجت کے لیے باہر جانے کی اجازت دے دی گئی ہے۔“[اللؤلؤ والمرجان/كتاب السلام/حدیث: 1402]