الترجمة الأردية

ہم سے حضرت عثمان بن ابی شیبہ نے بیان کیا، کہا ہم سے جریر نے بیان کیا، ان سے منصور نے، ان سے حضرت ابووائل نے، ان سے مسروق نے اور ان سے حضرت اُمّ المؤمنین عائشہ رضی اللہ تعالیٰ عنہا نے فرمایا کہ میرے پاس مدینے کی یہودی بوڑھی عورتیں آئیں اور انہوں نے مجھ سے کہا کہ قبر والوں کو ان کی قبروں میں عذاب دیا جاتا ہے۔ میں نے ان کی تکذیب کی اور ان کی تصدیق کرنا پسند نہیں کیا۔ وہ دونوں چلی گئیں اور نبی کریم صلی اللہ تعالیٰ علیہ وآلہ وسلم تشریف لائے۔ میں نے آپ سے عرض کیا: یا رسول اللہ! دو بوڑھی عورتیں آئی تھیں اور میں نے آپ سے بات بیان کی۔ ارشاد فرمایا: انہوں نے سچ کہا، انہیں ایسا عذاب دیا جاتا ہے جسے تمام جانور سنتے ہیں۔ اس کے بعد میں نے آپ کو کبھی نماز نہیں پڑھتے دیکھا مگر آپ قبر کے عذاب سے پناہ مانگتے تھے۔