الترجمة الأردية

ہم سے حضرت ابوالولید ہشام بن عبدالملک نے بیان کیا، کہا ہم سے شعبہ نے بیان کیا، ان سے محمد بن منکدر نے بیان کیا، کہا میں نے حضرت جابر رضی اللہ تعالیٰ عنہ سے سنا، فرماتے ہیں کہ میں اپنے والد پر قرض کی وجہ سے نبی کریم صلی اللہ تعالیٰ علیہ وآلہ وسلم کی خدمت میں حاضر ہوا اور دروازہ کھٹکھٹایا تو آپ صلی اللہ تعالیٰ علیہ وآلہ وسلم نے فرمایا "کون ہے؟" میں نے کہا "میں ہوں۔" آپ صلی اللہ تعالیٰ علیہ وآلہ وسلم نے فرمایا "میں، میں!" گویا آپ کو یہ جواب ناپسند ہوا۔