الترجمة الأردية

ہم سے حفص بن عمر نے بیان کیا، انہوں نے کہا ہم سے شعبہ نے ابوالمنہال سے بیان کیا، انہوں نے حضرت ابوبرزہ فضلہ بن عبید رضی اللہ تعالیٰ عنہ سے روایت کیا کہ نبی کریم صلی اللہ تعالیٰ علیہ وآلہ وسلم فجر کی نماز اس وقت ادا فرماتے جب ہم میں سے ہر شخص اپنے پاس بیٹھنے والے کو پہچان لیتا۔ آپ صلی اللہ تعالیٰ علیہ وآلہ وسلم اس میں ساٹھ سے سو تک آیات تلاوت فرماتے۔ ظہر اس وقت پڑھتے جب سورج ڈھل جاتا۔ عصر اس وقت پڑھتے کہ نماز کے بعد ہم میں سے کوئی شخص مدینہ منورہ کے دور دراز حصے تک جا کر واپس آ جائے اور ابھی سورج تیز ہو۔ مغرب کے بارے میں جو کچھ فرمایا وہ مجھے یاد نہیں رہا۔ اور عشاء کو تہائی رات تک مؤخر فرمانے میں کوئی حرج نہیں سمجھتے تھے — پھر (ابوالمنہال نے) کہا: آدھی رات تک۔ اور حضرت معاذ نے کہا: شعبہ نے فرمایا، پھر میں ان سے دوبارہ ملا تو انہوں نے کہا: یا تہائی رات تک۔