الترجمة الأردية

ہم سے عبداللہ بن یوسف تنیسی نے بیان کیا، انہوں نے کہا ہمیں امام مالک رحمۃ اللہ تعالیٰ علیہ نے نافع سے خبر دی، انہوں نے حضرت عبداللہ بن عمر رضی اللہ تعالیٰ عنہما سے روایت کیا کہ رسول اللہ صلی اللہ تعالیٰ علیہ وآلہ وسلم کعبۃ اللہ شریف میں داخل ہوئے اور حضرت اسامہ بن زید، حضرت بلال اور حضرت عثمان بن حضرت طلحہ حجبی رضی اللہ تعالیٰ عنہم بھی آپ کے ساتھ تھے۔ حضرت عثمان رضی اللہ تعالیٰ عنہ نے دروازہ بند کر دیا اور آپ صلی اللہ تعالیٰ علیہ وآلہ وسلم کچھ دیر تک اندر ٹھہرے رہے۔ جب آپ باہر تشریف لائے تو میں نے حضرت بلال رضی اللہ تعالیٰ عنہ سے پوچھا کہ نبی کریم صلی اللہ تعالیٰ علیہ وآلہ وسلم نے اندر کیا کیا؟ انہوں نے فرمایا: آپ صلی اللہ تعالیٰ علیہ وآلہ وسلم نے ایک ستون اپنے بائیں جانب رکھا اور ایک دائیں جانب اور تین ستون اپنے پیچھے رکھے — اس زمانے میں بیت اللہ شریف چھ ستونوں پر قائم تھا — پھر آپ صلی اللہ تعالیٰ علیہ وآلہ وسلم نے نماز ادا فرمائی۔ امام بخاری رحمۃ اللہ تعالیٰ علیہ نے فرمایا کہ ہم سے اسماعیل نے کہا مجھ سے امام مالک نے بیان کیا اور انہوں نے فرمایا کہ آپ صلی اللہ تعالیٰ علیہ وآلہ وسلم نے اپنے دائیں جانب دو ستون رکھے تھے۔