الترجمة الأردية

ہم سے یحییٰ بن بکیر نے بیان کیا، کہا ہم سے لیث نے بیان کیا، جعفر بن ربیعہ سے، اعرج سے، کہا مجھ سے عبداللہ بن کعب بن مالک نے بیان کیا، حضرت کعب بن مالک رضی اللہ تعالیٰ عنہ سے کہ حضرت عبداللہ بن ابی حدرد اسلمی رضی اللہ تعالیٰ عنہ پر ان کا قرض تھا۔ وہ ان سے ملے تو انہیں پکڑا، یہاں تک کہ دونوں کی آوازیں بلند ہوئیں۔ نبی کریم صلی اللہ تعالیٰ علیہ وآلہ وسلم ان کے پاس سے گزرے اور ارشاد فرمایا: اے کعب! اور ہاتھ سے اشارہ فرمایا جیسے آدھا فرما رہے ہوں۔ تو انہوں نے آدھا لے لیا جو ان پر تھا اور آدھا چھوڑ دیا۔