الترجمة الأردية

ہم سے عبداللہ بن یوسف نے بیان کیا، انہوں نے فرمایا کہ ہم کو امام مالک رحمۃ اللہ تعالیٰ علیہ نے خبر دی، انہیں یحییٰ بن سعید نے، انہیں عمرہ بنت عبدالرحمٰن نے اور انہیں حضرت اُمّ المؤمنین عائشہ صدیقہ رضی اللہ تعالیٰ عنہا نے فرمایا کہ نبی کریم صلی اللہ تعالیٰ علیہ وآلہ وسلم نے اعتکاف کا ارادہ فرمایا۔ جب آپ صلی اللہ تعالیٰ علیہ وآلہ وسلم اس جگہ تشریف لائے (یعنی مسجد میں) جہاں آپ صلی اللہ تعالیٰ علیہ وآلہ وسلم نے اعتکاف کا ارادہ فرمایا تھا۔ تو وہاں کئی خیمے موجود تھے۔ حضرت اُمّ المؤمنین عائشہ رضی اللہ تعالیٰ عنہا کا بھی، حضرت اُمّ المؤمنین حفصہ رضی اللہ تعالیٰ عنہا کا بھی اور اُمّ المؤمنین حضرت زینب رضی اللہ تعالیٰ عنہا کا بھی، اس پر آپ صلی اللہ تعالیٰ علیہ وآلہ وسلم نے ارشاد فرمایا کیا تم یہ سمجھتے ہو کہ انہوں نے ثواب کی نیت سے ایسا کیا ہے، پھر آپ صلی اللہ تعالیٰ علیہ وآلہ وسلم واپس تشریف لے گئے اور اعتکاف نہیں فرمایا بلکہ شوال کے عشرہ میں اعتکاف فرمایا۔