الترجمة الأردية

ہم سے مسدد بن مسرہد بصری نے بیان کیا، کہا کہ ہم سے یحییٰ قطان نے بیان کیا، ان سے عبیداللہ عمری نے، ان سے نافع نے اور ان سے حضرت ابن عمر رضی اللہ تعالیٰ عنہما نے بیان کیا کہ رسول اللہ صلی اللہ تعالیٰ علیہ وآلہ وسلم مکہ مکرمہ میں مقامِ کداء سے داخل ہوتے تھے، یعنی ثنیۂ علیا سے جو بطحاء کی طرف ہے، اور ثنیۂ سفلیٰ سے نکلتے تھے۔ ابوعبداللہ (امام بخاری رحمۃ اللہ تعالیٰ علیہ) نے فرمایا: مسدد اپنے نام کے موافق تھے (یعنی مضبوط اور محکم)۔ امام بخاری رحمۃ اللہ تعالیٰ علیہ نے فرمایا: میں نے یحییٰ بن معین سے سنا، وہ فرماتے تھے کہ میں نے یحییٰ بن سعید سے سنا، وہ کہتے تھے: اگر میں مسدد کے گھر جا کر انہیں حدیث سناتا تو وہ اس کے اہل تھے، اور مجھے کوئی فرق نہیں پڑتا کہ میری حدیث کی کتابیں میرے پاس ہوں یا مسدد کے پاس۔