الترجمة الأردية

حضرت عبداللہ بن عباس رضی اللہ تعالیٰ عنہما فرماتے ہیں کہ نبی کریم صلی اللہ تعالیٰ علیہ وآلہ وسلم جب رات میں تہجد کے لیے کھڑے ہوتے تو یہ دعا پڑھتے: «اللهم لك الحمد أنت قيم السموات والأرض ومن فيهن ولك الحمد، لك ملك السموات والأرض ومن فيهن، ولك الحمد أنت نور السموات والأرض، ولك الحمد أنت الحق، ووعدك الحق، ولقاؤك حق، وقولك حق، والجنة حق، والنار حق، والنبيون حق، ومحمد صلى الله عليه وسلم حق، والساعة حق، اللهم لك أسلمت، وبك آمنت وعليك توكلت، وإليك أنبت، وبك خاصمت، وإليك حاكمت، فاغفر لي ما قدمت وما أخرت، وما أسررت وما أعلنت، أنت المقدم وأنت المؤخر، لا إله إلا أنت، لا إله غيرك» (ترجمہ: اے اللہ! تمام تعریفیں تیرے ہی لیے ہیں، تو آسمانوں اور زمین اور جو کچھ ان میں ہے سب کا قائم رکھنے والا ہے۔ تیرے ہی لیے تعریف ہے، آسمانوں اور زمین اور ان کی تمام مخلوقات کی بادشاہی تیری ہی ہے۔ تیرے ہی لیے تعریف ہے، تو آسمانوں اور زمین کا نور ہے۔ تیرے ہی لیے تعریف ہے، تو حق ہے، تیرا وعدہ حق ہے، تیری ملاقات حق ہے، تیرا فرمان حق ہے، جنت حق ہے، دوزخ حق ہے، انبیاء علیہم السلام حق ہیں، محمد صلی اللہ تعالیٰ علیہ وآلہ وسلم حق ہیں، اور قیامت حق ہے۔ اے اللہ! میں نے تیرے آگے سرِ تسلیم خم کیا، تجھ پر ایمان لایا، تجھ پر بھروسا کیا، تیری طرف رجوع کیا، تیرے عطا کردہ دلائل سے بحث کی، اور تجھے ہی حاکم بنایا۔ پس میرے اگلے پچھلے، ظاہر اور پوشیدہ سب گناہ بخش دے۔ آگے کرنے والا بھی تو ہے اور پیچھے رکھنے والا بھی تو ہے۔ تیرے سوا کوئی معبود نہیں)۔ سفیان نے بیان کیا کہ عبدالکریم حضرت ابوامیہ نے اس دعا میں «ولا حول ولا قوة إلا بالله» کا اضافہ کیا ہے۔ سفیان نے بیان کیا کہ سلیمان بن ابی مسلم نے یہ حدیث طاؤس سے سنی، انہوں نے حضرت ابن عباس رضی اللہ تعالیٰ عنہما سے اور انہوں نے نبی کریم صلی اللہ تعالیٰ علیہ وآلہ وسلم سے۔