اردو ترجمہ

حضرت عبداللہ بن عباس رضی اللہ تعالیٰ عنہما فرماتے ہیں کہ پہلے پہل جس نے نماز پڑھی وہ علی المرتضیٰ کرّم اللہ تعالیٰ وجہہ الکریم ہیں۔ امام ترمذی فرماتے ہیں: ۱- یہ حدیث اس سند سے غریب ہے، شعبہ کی یہ حدیث جسے وہ ابوبلج سے روایت کرتے ہیں ہم اسے صرف محمد بن حمید کی روایت سے جانتے ہیں اور ابوبلج کا نام یحییٰ بن سلیم ہے، ۲- اہل علم نے اس سلسلہ میں اختلاف کیا ہے، بعض راویوں نے کہا ہے کہ پہلے پہل جس نے اسلام قبول کیا ہے وہ حضرت ابوبکر صدیق رضی اللہ تعالیٰ عنہ ہیں، اور بعضوں نے کہا ہے کہ پہلے پہل جو اسلام لائے ہیں وہ علی المرتضیٰ کرّم اللہ تعالیٰ وجہہ الکریم ہیں، اور بعض اہل علم نے کہا ہے: بڑے مردوں میں جو پہلے پہل اسلام لائے ہیں وہ حضرت ابوبکر رضی اللہ تعالیٰ عنہ ہیں اور علی المرتضیٰ کرّم اللہ تعالیٰ وجہہ الکریم جب اسلام لائے تو وہ آٹھ سال کی عمر کے لڑکے تھے، اور عورتوں میں جو سب سے پہلے اسلام لائی ہیں وہ خدیجہ رضی اللہ تعالیٰ عنہا ہیں ۱؎۔