اردو ترجمہ

ہمیں احمد بن سلیمان نے خبر دی، انہوں نے کہا ہمیں مؤمل بن فضل نے حدیث بیان کی، انہوں نے کہا ہمیں ولید نے حدیث بیان کی، انہوں نے کہا مجھے شعیب بن ابی حمزہ اور سفیان بن عیینہ نے اور ایک اور ذکر کیا، انہوں نے زہری سے، سعید بن مسیب سے، حضرت ابوہریرہ رضی اللہ تعالیٰ عنہ سے روایت کیا، انہوں نے فرمایا: حضرت ابوبکر رضی اللہ تعالیٰ عنہ نے ان سے قتال کا فیصلہ کیا تو حضرت عمر رضی اللہ تعالیٰ عنہ نے عرض کیا: اے حضرت ابوبکر! آپ لوگوں سے کیسے لڑیں گے جبکہ رسول اللہ صلی اللہ تعالیٰ علیہ وآلہ وسلم نے فرمایا ہے: مجھے حکم دیا گیا ہے کہ میں لوگوں سے قتال کروں یہاں تک کہ وہ لا الہ الا اللہ کہیں، جب وہ یہ کہہ دیں تو انہوں نے مجھ سے اپنے خون اور مال محفوظ کر لیے سوائے حق کے۔ حضرت ابوبکر رضی اللہ تعالیٰ عنہ نے فرمایا: میں ضرور اس سے لڑوں گا جو نماز اور زکوٰۃ میں فرق کرے۔ اللہ کی قسم! اگر انہوں نے مجھے ایک بکری کا بچہ بھی روکا جو وہ رسول اللہ صلی اللہ تعالیٰ علیہ وآلہ وسلم کو ادا کرتے تھے تو میں اس کے روکنے پر ان سے لڑوں گا۔ حضرت عمر رضی اللہ تعالیٰ عنہ نے فرمایا: اللہ کی قسم! بات صرف یہ تھی کہ میں نے دیکھا کہ اللہ نے حضرت ابوبکر رضی اللہ تعالیٰ عنہ کا سینہ ان سے قتال کے لیے کھول دیا تو میں نے جان لیا کہ یہی حق ہے۔