اردو ترجمہ

سیدنا عقبہ بن مالک رضی اللہ عنہ سے روایت ہے کہ رسول اللہصلی اللہ علیہ وسلمنے ایک دستہ بھیجا، انہوں نے ایک قوم پر چھاپہ مارا، وہاں سے ایک شخص (جان بچانے کے لیے) بھاگا تو لشکر کے ایک آدمی نے ننگی تلوار لے کر اس کا پیچھا کیا، اس شخص نے کہا: میں مسلمان ہوں، لیکن پیچھا کرنے والے نے اس کی پرواہ نہ کی اور اسے ضرب لگا کر قتل کر دیا، یہ بات رسول اللہصلی اللہ علیہ وسلمتک پہنچی تو آپصلی اللہ علیہ وسلمنے اس پر سخت ناراضگی کا اظہار فرمایا، قاتل تک یہ بات پہنچی تو جب رسول اللہصلی اللہ علیہ وسلمخطبہ ارشاد فرما رہے تھے، اس نے کہا: اے اللہ کے رسول! اللہ کی قسم، اس نے یہ بات صرف قتل سے بچنے کے لیے کہی تھی، تو رسول اللہصلی اللہ علیہ وسلمنے اس سے اور اس کی طرف والے لوگوں سے اپنا چہرہ مبارک پھیر لیا اور اپنا خطبہ جاری رکھا، پھر اس نے دوسری بار کہا: اے اللہ کے رسول! اللہ کی قسم، اس نے یہ بات صرف قتل سے بچنے کے لیے کہی تھی، آپصلی اللہ علیہ وسلمنے پھر اس سے اور اس کی طرف کے لوگوں سے اعراض فرمایا اور اپنا خطبہ جاری رکھا، پھر اس سے صبر نہ ہو سکا اور تیسری بار کہا: اللہ کی قسم اے اللہ کے رسول! اس نے یہ بات صرف جان بچانے کے لیے کہی تھی، تب رسول اللہصلی اللہ علیہ وسلماس کی طرف متوجہ ہوئے جبکہ آپصلی اللہ علیہ وسلمکے چہرہ مبارک پر ناگواری کے آثار نمایاں تھے، پھر آپصلی اللہ علیہ وسلمنے فرمایا:”بے شک اللہ عزوجل نے مجھ پر اس شخص (کے حق میں رعایت کرنے) سے انکار فرما دیا ہے جس نے کسی مومن کو قتل کیا“؛ آپصلی اللہ علیہ وسلمنے یہ بات تین بار فرمائی۔اس جیسی حدیث امام مسلم کی”المسند الصحيح“میں موجود ہے، انہوں نے نصر بن عاصم لیثی اور سلیمان بن مغیرہ سے احتجاج کیا ہے، رہی بات عقبہ بن مالک لیثی کی تو وہ صحابی ہیں اور ان کی حدیث ائمہ کی کتب میں ’وحدان‘ (ایسے صحابہ جن سے صرف ایک راوی ہو) میں مذکور ہے، اور میں کتاب کے آغاز میں اپنی یہ شرط واضح کر چکا ہوں کہ میں تمام صحابہ کی احادیث کی تخریج کروں گا بشرطیکہ ان تک پہنچنے والا راستہ صحیح ہو۔ اور یونس بن عبید نے سلیمان بن مغیرہ کی متابعت کرتے ہوئے حمید سے امام مسلم کی شرط پر روایت کیا ہے:[المستدرك على الصحيحين/كتاب الإيمان/حدیث: 47]