اردو ترجمہ

منصور نے ابو وائل (شقیق) سے روایت کی، انہوں نے کہا کہ حضرت ابو موسیٰ اشعری رضی اللہ تعالیٰ عنہ پیشاب کے بارے میں سختی کرتے تھے اور بوتل میں پیشاب کرتے تھے اور کہتے تھے: بنی اسرائیل کے کسی آدمی کی جلد پر پیشاب لگ جاتا تو وہ کھال کے اتنے حصے کو قینچی سے کاٹ ڈالتا تھا۔ تو حضرت حذیفہ رضی اللہ تعالیٰ عنہ نے کہا: میرا دل چاہتا ہے کہ تمہارا صاحب (استاد) اس قدر سختی نہ کرے، میں اور رسول اللہ صلی اللہ تعالیٰ علیہ وآلہ وسلم ساتھ ساتھ چل رہے تھے تو آپ صلی اللہ تعالیٰ علیہ وآلہ وسلم دیوار کے پیچھے کوڑا پھینکنے کی جگہ پر تشریف لائے، آپ صلی اللہ تعالیٰ علیہ وآلہ وسلم اس طرح کھڑے ہو گئے جس طرح تم میں سے کوئی کھڑا ہوتا ہے، پھر آپ صلی اللہ تعالیٰ علیہ وآلہ وسلم پیشاب کرنے لگے تو میں آپ صلی اللہ تعالیٰ علیہ وآلہ وسلم سے دور ہو گیا، آپ صلی اللہ تعالیٰ علیہ وآلہ وسلم نے مجھے اشارہ فرمایا تو میں آ گیا اور آپ صلی اللہ تعالیٰ علیہ وآلہ وسلم کے پیچھے کھڑا ہو گیا حتیٰ کہ آپ صلی اللہ تعالیٰ علیہ وآلہ وسلم فارغ ہو گئے۔