اردو ترجمہ

ابو احوص نے اشعث سے، انہوں نے اپنے والد سے، انہوں نے مسروق رحمۃ اللہ تعالیٰ علیہ سے اور انہوں نے حضرت اُمّ المؤمنین عائشہ رضی اللہ تعالیٰ عنہا سے روایت کی، انہوں نے کہا: رسول اللہ صلی اللہ تعالیٰ علیہ وآلہ وسلم جب وضو فرماتے تو وضو میں، جب آپ صلی اللہ تعالیٰ علیہ وآلہ وسلم کنگھی فرماتے تو کنگھی کرنے میں اور جب آپ صلی اللہ تعالیٰ علیہ وآلہ وسلم جوتا پہنتے تو جوتا پہننے میں دائیں طرف سے آغاز فرمانا پسند فرماتے تھے۔