اردو ترجمہ

مجھ سے زہیر بن حرب نے بیان کیا، کہا ہم سے جریر نے عمارہ بن قعقاع سے، انہوں نے ابو زرعہ سے، انہوں نے حضرت ابو ہریرہ رضی اللہ تعالیٰ عنہ سے روایت کی، فرمایا: رسول اللہ صلی اللہ تعالیٰ علیہ وآلہ وسلم جب نماز کے لیے تکبیر فرماتے تو قراءت سے پہلے تھوڑی دیر سکوت فرماتے۔ میں نے عرض کیا: یا رسول اللہ! میرے ماں باپ آپ پر قربان! بتائیے یہ تکبیر اور قراءت کے درمیان آپ کی خاموشی میں آپ کیا پڑھتے ہیں؟ آپ صلی اللہ تعالیٰ علیہ وآلہ وسلم نے ارشاد فرمایا: ''میں پڑھتا ہوں: اَللّٰہُمَّ بَاعِدْ بَيْنِي وَبَيْنَ خَطَایَایَ کَمَا بَاعَدْتَ بَيْنَ الْمَشْرِقِ وَالْمَغْرِبِ، اَللّٰہُمَّ نَقِّنِي مِنْ خَطَایَایَ کَمَا يُنَقَّى الثَّوْبُ الْأَبْيَضُ مِنَ الدَّنَسِ، اَللّٰہُمَّ اغْسِلْنِي مِنْ خَطَایَایَ بِالثَّلْجِ وَالْمَاءِ وَالْبَرَدِ — اے اللہ! مجھ میں اور میری لغزشوں میں اتنی دوری رکھ دے جتنی تو نے مشرق و مغرب میں رکھی ہے۔ اے اللہ! مجھے میری لغزشوں سے ایسے پاک کر دے جیسے سفید کپڑا میل سے صاف کیا جاتا ہے۔ اے اللہ! مجھے میری لغزشوں سے برف، پانی اور اولوں سے دھو دے۔'' نیز حضرت ابو بکر بن ابی شیبہ، ابن نمیر اور ابو کامل نے ابن فضیل اور عبدالواحد (ابن زیاد) سے عمارہ بن قعقاع سے اسی سند کے ساتھ جریر کی حدیث کے مانند روایت کی۔