اردو ترجمہ

حضرت عبداللہ بن عمر رضی اللہ تعالیٰ عنہما فرماتے ہیں کہ ان کے پاس عمر رضی اللہ تعالیٰ عنہ تشریف لائے اور وہ اس وقت دستر خوان پر تھے، انہوں نے عمر رضی اللہ تعالیٰ عنہ کے لیے مجلس کے درمیان میں جگہ بنائی، عمر رضی اللہ تعالیٰ عنہ نے بسم اللہ کہا، پھر کھانے کی طرف ہاتھ بڑھایا، اور ایک لقمہ لیا، پھر دوسرا لقمہ لیا، پھر کہا: مجھے اس میں چکنائی کا ذائقہ مل رہا ہے، اور یہ چکنائی گوشت کی چربی نہیں ہے، حضرت عبداللہ بن عمر رضی اللہ تعالیٰ عنہما نے کہا: اے امیر المؤمنین! میں فربہ گوشت کی تلاش میں بازار نکلا تاکہ اسے خریدوں، لیکن میں نے اسے مہنگا پایا تو ایک درہم میں دبلا گوشت خرید لیا، اور ایک درہم کا گھی خرید کر اس میں ملا دیا، اس سے میرا مقصد یہ تھا کہ ایک ایک ہڈی میرے تمام گھر والوں کے حصے میں آ جائے، اس پر عمر رضی اللہ تعالیٰ عنہ نے کہا: جب کبھی بھی رسول اللہ صلی اللہ تعالیٰ علیہ وآلہ وسلم کے پاس یہ دونوں چیزیں بیک وقت اکٹھا ہوئیں تو آپ صلی اللہ تعالیٰ علیہ وآلہ وسلم نے ان میں سے ایک کھا لی، اور دوسری صدقہ کر دی۔ حضرت عبداللہ بن عمر رضی اللہ تعالیٰ عنہما نے کہا: امیر المؤمنین! اب تو اسے کھا لیجئیے پھر جب کبھی میرے پاس یہ دونوں چیزیں اکٹھی ہوں گی میں بھی ایسا ہی کروں گا، عمر رضی اللہ تعالیٰ عنہ بولے: میں اسے کھانے والا نہیں