اردو ترجمہ

ہم سے قتیبہ نے بیان کیا، کہا ہم سے اسماعیل بن جعفر نے حمید طویل رحمۃ اللہ تعالیٰ علیہ سے بیان کیا، انہوں نے حضرت انس بن مالک رضی اللہ تعالیٰ عنہ سے کہ نبی کریم صلی اللہ تعالیٰ علیہ وآلہ وسلم نے قبلے کی سمت (مسجد کی دیوار پر) بلغم دیکھا۔ یہ آپ صلی اللہ تعالیٰ علیہ وآلہ وسلم کو بہت ناگوار گزرا یہاں تک کہ آپ صلی اللہ تعالیٰ علیہ وآلہ وسلم کے چہرہ مبارک سے ناگواری ظاہر ہو رہی تھی۔ آپ صلی اللہ تعالیٰ علیہ وآلہ وسلم اٹھے اور اپنے مبارک ہاتھ سے اسے کھرچ ڈالا اور ارشاد فرمایا بے شک تم میں سے جب کوئی نماز میں کھڑا ہوتا ہے تو وہ اپنے رب عزوجل سے سرگوشی کرتا ہے، یا (آپ صلی اللہ تعالیٰ علیہ وآلہ وسلم نے فرمایا) اس کا رب عزوجل اس کے اور اس کے قبلے کے درمیان ہوتا ہے۔ لہٰذا تم میں سے کوئی قبلے کی طرف نہ تھوکے بلکہ اپنی بائیں طرف یا اپنے قدموں کے نیچے تھوکے۔ پھر آپ صلی اللہ تعالیٰ علیہ وآلہ وسلم نے اپنی مبارک چادر کا کنارہ پکڑا، اس پر تھوکا پھر اسے تہ کر دیا اور ارشاد فرمایا یا اس طرح کر لیا کرو۔