اردو ترجمہ

حضرت کعب بن مالک رضی اللہ تعالیٰ عنہ کے صاحبزادے سے روایت ہے کہ وہ اپنے والد سے بیان کرتے تھے کہ ان کی بکریاں سلع پہاڑ پر چرا کرتی تھیں۔ ہماری ایک باندی نے ہمارے ریوڑ کی ایک بکری کو دیکھا کہ وہ مرنے کے قریب ہے، تو اس نے ایک پتھر توڑ کر اس سے بکری ذبح کر دی۔ حضرت کعب رضی اللہ تعالیٰ عنہ نے گھر والوں سے فرمایا: جب تک میں نبی کریم صلی اللہ تعالیٰ علیہ وآلہ وسلم سے نہ پوچھ لوں یا کسی کو بارگاہِ نبوی میں بھیج کر نہ پوچھوا لوں، اس کا گوشت نہ کھانا۔ پھر انہوں نے نبی کریم صلی اللہ تعالیٰ علیہ وآلہ وسلم سے دریافت کیا یا کسی کو بھیج کر دریافت کروایا تو آپ صلی اللہ تعالیٰ علیہ وآلہ وسلم نے اس کے کھانے کا حکم فرمایا۔ عبیداللہ نے فرمایا: مجھے یہ بات بڑی پسند آئی کہ وہ باندی ہونے کے باوجود اس نے ذبح کر ڈالا۔