اردو ترجمہ

ہم سے صلت بن محمد نے بیان کیا، انہوں نے کہا ہم سے مہدی نے بیان کیا، انہوں نے کہا ہم سے غیلان نے (دوسری سند) امام بخاری رحمۃ اللہ تعالیٰ علیہ نے فرمایا اور ہم سے ابوالنعمان نے بیان کیا، انہوں نے کہا کہ ہم سے مہدی بن میمون نے، ان سے غیلان بن جریر نے، ان سے مطرف نے، ان سے حضرت عمران بن حصین رضی اللہ تعالیٰ عنہما نے فرمایا کہ نبی کریم صلی اللہ تعالیٰ علیہ وآلہ وسلم نے ان سے سوال فرمایا، یا (مطرف نے یہ فرمایا کہ) سوال تو کسی اور نے کیا تھا لیکن حضرت عمران رضی اللہ تعالیٰ عنہ سن رہے تھے۔ نبی کریم صلی اللہ تعالیٰ علیہ وآلہ وسلم نے ارشاد فرمایا: اے ابوفلاں! کیا تم نے اس مہینے کے آخر کے روزے رکھے؟ ابوالنعمان نے کہا کہ میرا خیال ہے کہ راوی نے فرمایا کہ آپ صلی اللہ تعالیٰ علیہ وآلہ وسلم کی مراد رمضان سے تھی۔ اس شخص نے عرض کیا: نہیں، یا رسول اللہ! آپ صلی اللہ تعالیٰ علیہ وآلہ وسلم نے ارشاد فرمایا: جب تو رمضان کے روزے پورے کر لے تو دو دن کے روزے رکھ لے۔ صلت نے (اپنی روایت میں) 'میرا خیال ہے کہ آپ کی مراد رمضان سے تھی' یہ الفاظ ذکر نہیں کیے۔ ابوعبداللہ (امام بخاری رحمۃ اللہ تعالیٰ علیہ) فرماتے ہیں کہ ثابت نے بیان کیا، ان سے مطرف نے، ان سے حضرت عمران رضی اللہ تعالیٰ عنہ نے اور ان سے نبی کریم صلی اللہ تعالیٰ علیہ وآلہ وسلم نے (رمضان کے آخر کے بجائے) 'شعبان کے آخر میں' کا لفظ ارشاد فرمایا (یہی صحیح ہے)۔