اردو ترجمہ

ہم سے ابراہیم بن موسیٰ نے بیان کیا، کہا ہم کو ہشام بن یوسف نے خبر دی، انہیں ابن جریج نے، انہوں نے کہا مجھے عطاء نے خبر دی اور ان سے ابوصالح زیات نے کہ انہوں نے حضرت ابوہریرہ رضی اللہ تعالیٰ عنہ سے سنا، آپ نے فرمایا کہ رسول اللہ صلی اللہ تعالیٰ علیہ وآلہ وسلم نے ارشاد فرمایا: اللہ عزوجل نے فرمایا ہے کہ بنی آدم کا ہر عمل اس کے لیے ہے مگر روزہ، کیونکہ وہ خاص میرے لیے ہے اور میں ہی اس کا بدلہ دوں گا۔ روزہ ڈھال ہے اور جب کسی کا روزہ ہو تو وہ فحش بات نہ کرے، شور و غل نہ کرے اور اگر کوئی اسے گالی دے یا اس سے جھگڑا کرے تو وہ کہہ دے کہ میں روزے دار ہوں۔ اس ذات کی قسم جس کے قبضے میں محمد صلی اللہ تعالیٰ علیہ وآلہ وسلم کی جان ہے! روزے دار کے منہ کی بو اللہ تعالیٰ کے نزدیک مشک سے زیادہ پاکیزہ ہے۔ روزے دار کے لیے دو خوشیاں ہیں: ایک جب وہ روزہ کھولتا ہے اور ایک جب وہ اپنے رب سے ملے گا۔