اردو ترجمہ

ہم سے ابومعمر نے بیان کیا، کہا کہ ہم سے عبدالوارث نے بیان کیا، کہا کہ ہم سے ایوب نے بیان کیا، کہا کہ ہم سے عکرمہ نے حضرت ابن عباس رضی اللہ تعالیٰ عنہما سے بیان کیا، آپ نے فرمایا کہ رسول اللہ صلی اللہ تعالیٰ علیہ وآلہ وسلم جب (فتح مکہ کے دن) تشریف لائے تو آپ صلی اللہ تعالیٰ علیہ وآلہ وسلم نے کعبہ کے اندر تشریف لے جانے سے اس لیے انکار فرمایا کہ اس میں بت رکھے ہوئے تھے۔ پھر آپ صلی اللہ تعالیٰ علیہ وآلہ وسلم نے حکم فرمایا اور وہ سب نکالے گئے۔ لوگوں نے حضرت ابراہیم اور حضرت اسماعیل علیہما السلام کی تصویریں بھی نکالیں جن کے ہاتھوں میں فال نکالنے کے تیر دے رکھے تھے۔ رسول اللہ صلی اللہ تعالیٰ علیہ وآلہ وسلم نے ارشاد فرمایا کہ اللہ ان مشرکوں کو غارت کرے! اللہ کی قسم انہیں اچھی طرح معلوم تھا کہ ان بزرگوں نے تیر سے فال کبھی نہیں نکالی۔ اس کے بعد آپ صلی اللہ تعالیٰ علیہ وآلہ وسلم کعبہ کے اندر تشریف لے گئے اور چاروں طرف تکبیر فرمائی لیکن آپ صلی اللہ تعالیٰ علیہ وآلہ وسلم نے اندر نماز نہیں پڑھی۔