اردو ترجمہ

حضرت ابوالدرداء رضی اللہ تعالیٰ عنہ فرماتے ہیں کہ میں نے رسول اللہ صلی اللہ تعالیٰ علیہ وآلہ وسلم کو ارشاد فرماتے ہوئے سنا: تم میں سے جو کوئی بیمار ہو یا اس کا کوئی بھائی بیمار ہو تو چاہیے کہ یہ کہے: «ربنا الله الذي في السماء تقدس اسمك أمرك في السماء والأرض كما رحمتك في السماء فاجعل رحمتك في الأرض اغفر لنا حوبنا وخطايانا أنت رب الطيبين أنزل رحمة من رحمتك وشفاء من شفائك على هذا الوجع» ہمارے رب اللہ! جو آسمان پر ہے، تیرا نام پاک ہے، تیرا حکم آسمان اور زمین میں نافذ ہے، جیسے تیری رحمت آسمان میں ہے ویسے ہی زمین پر بھی اپنی رحمت فرما، ہمارے گناہوں اور خطاؤں کو بخش دے، تو پاک لوگوں کا رب ہے، اپنی رحمتوں میں سے ایک رحمت اور اپنی شفاء میں سے ایک شفاء اس درد پر نازل فرما — تو وہ صحت یاب ہو جائے گا۔