اردو ترجمہ

نمیلہ کہتے ہیں کہ میں حضرت ابن عمر رضی اللہ تعالیٰ عنہما کے پاس تھا آپ سے سیہی ۱؎ کے متعلق پوچھا گیا تو آپ نے یہ آیت پڑھی: «قل لا أجد فيما أوحي إلى محرما» اے نبی! آپ کہہ دیجئیے میں اسے اپنی طرف نازل کی گئی وحی میں حرام نہیں پاتا ان کے پاس موجود ایک بوڑھے شخص نے کہا: میں نے حضرت ابوہریرہ رضی اللہ تعالیٰ عنہ کو کہتے ہوئے سنا ہے کہ نبی اکرم صلی اللہ تعالیٰ علیہ وآلہ وسلم کے پاس اس کا ذکر کیا گیا تو آپ نے ارشاد فرمایا: وہ ناپاک جانوروں میں سے ایک ناپاک جانور ہے ۔ تو حضرت ابن عمر رضی اللہ تعالیٰ عنہما نے عرض کیا: اگر رسول اللہ صلی اللہ تعالیٰ علیہ وآلہ وسلم نے ایسا فرمایا ہے تو بیشک وہ ایسا ہی ہے جو ہمیں معلوم نہیں۔