اردو ترجمہ

حضرت جابر بن عبداللہ رضی اللہ تعالیٰ عنہما سے روایت ہے، فرماتے ہیں کہ نبی کریم صلی اللہ تعالیٰ علیہ وآلہ وسلم نے یومِ نحر (قربانی کے دن) دو سینگ دار ابلق خصی مینڈھے ذبح فرمائے۔ جب آپ نے انہیں قبلہ رُخ کیا تو یہ دعا پڑھی: إِنِّی وَجَّهْتُ وَجْهِیَ لِلَّذِی فَطَرَ السَّمٰوٰتِ وَالْأَرْضَ عَلٰی مِلَّةِ إِبْرَاهِيمَ حَنِيفًا وَمَا أَنَا مِنَ الْمُشْرِکِینَ، إِنَّ صَلَاتِی وَنُسُکِی وَمَحْيَایَ وَمَمَاتِی لِلّٰهِ رَبِّ الْعَالَمِینَ لَا شَرِيکَ لَهُ وَبِذٰلِکَ أُمِرْتُ وَأَنَا مِنَ الْمُسْلِمِینَ، اَللّٰهُمَّ مِنْکَ وَلَکَ عَنْ مُحَمَّدٍ وَأُمَّتِهِ بِسْمِ اللّٰهِ وَاللّٰهُ أَکْبَرُ (میں نے اپنا رُخ اس ذات کی طرف کیا جس نے آسمانوں اور زمین کو پیدا فرمایا، ابراہیم علیہ السلام کے دین پر، ہر باطل سے جدا ہو کر، اور میں مشرکوں میں سے نہیں۔ بے شک میری نماز، میری تمام عبادتیں، میرا جینا اور میرا مرنا اللہ ربّ العالمین کے لیے ہے، جس کا کوئی شریک نہیں، مجھے اسی کا حکم دیا گیا ہے اور میں مسلمانوں میں سے ہوں۔ اے اللہ! یہ تیری ہی طرف سے ہے اور تیرے ہی لیے ہے، محمد اور ان کی امت کی جانب سے، اللہ کے نام سے، اللہ سب سے بڑا ہے)، پھر آپ نے ذبح فرمایا۔