اردو ترجمہ

حضرت براء بن عازب رضی اللہ تعالیٰ عنہ سے روایت ہے، فرماتے ہیں کہ (ابتدائے اسلام میں) آدمی جب روزہ رکھ کر سو جاتا تو اگلی رات تک کچھ نہ کھاتا۔ حضرت صرمۃ بن قیس انصاری رضی اللہ تعالیٰ عنہ روزے کی حالت میں اپنی اہلیہ کے پاس آئے اور پوچھا: کیا تمہارے پاس کچھ کھانے کو ہے؟ انہوں نے عرض کیا: نہیں، لیکن میں جا کر تمہارے لیے کچھ تلاش کرتی ہوں۔ پس وہ گئیں اور (اس دوران) صرمۃ رضی اللہ تعالیٰ عنہ کو نیند آ گئی۔ جب وہ واپس آئیں تو کہنے لگیں: افسوس! تم محروم رہ گئے۔ ابھی دوپہر بھی نہیں ہوئی تھی کہ ان پر غشی طاری ہو گئی، کیونکہ وہ سارا دن اپنی زمین میں کام کرتے تھے۔ اس واقعے کا ذکر نبیِّ کریم صلی اللہ تعالیٰ علیہ وآلہ وسلم کی بارگاہ میں کیا گیا تو یہ آیتِ کریمہ نازل ہوئی: «أحل لكم ليلة الصيام الرفث إلى نسائكم» (روزے کی رات میں تمہارے لیے اپنی بیویوں کے پاس جانا حلال کر دیا گیا)۔ آپ صلی اللہ تعالیٰ علیہ وآلہ وسلم نے «من الفجر» (فجر تک) کے الفاظ تک تلاوت فرمائی۔